اخبار فوری
فــــهــــيـــم شـاهـیـن
01 عقرب 1404
155
د پاکستان د هوايي سفرونو بیې په بېساري ډول لوړې شوې دي، ځکه د ځمکنیو لارو تړل کېدو له امله اوس ډېری مسافر د الوتکو له لارې تګ ته اړ شوي دي. د راپورونو له مخې، د اسلاماباد، کراچۍ او لاهور څخه د کابل، قندهار او هرات پر لور د هوايي ټکټ بیې تر ۵۰۰ ډالرو پورته رسېدلې دي
د سفر شرکتونو مسوولین وايي، د لارو بندېدو او د مسافرو د زیاتېدو له امله د الوتنو غوښتنه څو برابره شوې، خو د الوتکو شمېر محدود دی. له همدې کبله، شرکتونه د ټکټ بیې لوړې کړې او د عادي خلکو لپاره دا سفرونه اوس یو لوکس او ګرانه تجربه ګرځېدلې ده
پخوا له اسلاماباد څخه کابل ته د الوتنې ټکټ د ۲۵۰ ډالرو په شاوخوا کې و، خو اوس هغه تر ۵۰۰ او آن ۶۰۰ ډالرو ته رسېدلی. مسافران له سختو مالي ستونزو سره مخ دي
د پاکستان او افغانستان ترمنځ د ځمکنيو لارو تړل کېدل د دواړو هېوادونو ترمنځ د سوداګرۍ، کورنیو لیدنو او روغتيايي سفرونو پر بهير هم منفي اغېزه کړې ده. ډېری ناروغان، چې پخوا به د درملنې لپاره د پاکستان روغتونونو ته تلل، اوس له لوړ ټکټ او د تګ راتګ له محدودیتونو شکایت کوي
شنونکي وايي، د دغو لوړ ټکټونو دوام کولی شي د دواړو هېوادونو د خلکو ترمنځ د تګ راتګ عادي جريان له جدي خنډ سره مخ کړي او د اقتصادي اړيکو پر کمېدو هم اغېز وکړي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
mBQzzewrmjOEHCuhl
-
dSvXCdDsOpiOWxtqJcFHVoBJ
-
BbjGYfVvnCqzmaVT