اخبار جهان

بلخ – د طالبانو د حکومت چارواکي وايي : د قوش‌تېپې کانال دویم پړاو وروستۍ مرحلې ته رسېدلی

اشتراک گذاری:

بلخ – د طالبانو د حکومت چارواکي وايي، د قوش‌تېپې ستر او تاریخي کانال د جوړېدو دویم پړاو وروستۍ مرحلې ته رسېدلی دی. د ملي پراختیا شرکت د وروستیو معلوماتو له مخې، د کانال د سربند کارونه ۸۵ سلنه او د دویم پړاو د کیندنې او ډکولو چارې نږدې ۹۵ سلنه بشپړې شوې دي

د ملي پراختیا شرکت رئیس عبدالرحمن عطاش د ترسره شویو کارونو کیفیت ستایلی او ټینګار یې کړی چې د قوش‌تېپې کانال پروژه د افغانستان د اقتصادي ودې او زراعتي پرمختګ لپاره یو تاریخي فرصت دی. هغه ویلي:

دا پروژه د هېواد د زرګونو خلکو د کار زمینې برابروي او د زراعتي خودکفایي پر لور یو عملي ګام دی. دا باید د ملي مسؤلیت په توګه بشپړه شي

د قوش‌تېپې کانال پروژه د افغانستان له ستراتیژیکو او اقتصادي طرحو څخه ده، چې له بشپړېدو وروسته به د شمالي ولایتونو د کرنې، اوبو لګولو او تولیدي سکتور په وده کې د پام وړ بدلونونه راولي

شنونکي باور لري چې د دې کانال بشپړېدل به د هېواد د اوبو د عادلانه مدیریت، زراعتي پراختیا او اقتصادي ثبات په برخه کې یو مهم تحول رامنځته کړي او افغانستان به د ځان‌بسیا په لور یو پیاوړی ګام واخلي