اخبار فوری
د روسیې ولسمشر ولادیمیر پوتین د اټومي ازموینو د بیا پیل امر وکړ؛ د سړې جګړې د نوي فصل زنګ
فــــهــــيـــم شـاهـیـن
15 عقرب 1404
204
مسکو – د روسیې ولسمشر ولادیمیر پوتین خپلو پوځي او استخباراتي بنسټونو ته امر کړی چې د هېواد د اټومي ازموینو د بیا پیل احتمالي سناریو لپاره تفصیلي طرحې او وړاندیزونه چمتو کړي
پوتین دا خبره د چارشنبې، د نومبر په ۵مه د روسیې د ملي امنیت شورا په غونډه کې وکړه. نوموړي وویل، د بهرنیو چارو وزارت، د دفاع وزارت او استخباراتي ادارې باید په ګډه داسې وړاندیزونه وړاندې کړي چې له مخې یې روسیه د نوي پړاو اټومي ازموینو ته چمتو شي
دغه پرېکړه وروسته له هغې راغله چې د امریکا ولسمشر ډونالډ ټرمپ تېره اوونۍ اعلان وکړ، متحده ایالات غواړي د شاوخوا ۳۰ کلونو وقفي وروسته، خپلې اټومي ازموینې بیا پیل کړي
شنونکي وایي، د روسیې او امریکا دا حرکتونه ښايي د سړې جګړې د نوې سیالۍ پیل ته لار هواره کړي. هغوی خبرداری ورکوي چې که دواړه هېوادونه دا لړۍ بیا پيل کړي، د نړۍ د امنیت توازن به جدي ګواښ سره مخ شي، او د وسلو د کنټرول تړونونه به له منځه ولاړ شي
سره له دې، کرملین وایي د روسیې هر اقدام به د هېواد د ملي امنیت او ستراتیژیک توازن د خوندي ساتلو په هدف ترسره کېږي، نه د جګړې د پارولو لپاره
دا وروستۍ وینا د نړیوالو ډيپلوماتیکو کړیو لپاره یو جدي خبرداری بلل کېږي چې ښايي نړۍ یو ځل بیا د اټومي سیالۍ سیوري ته ننوځي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl