اخبار جهان

په کشف کې یو مخکښ ساینسپوه جیمز واټسن په ۹۷ کلنۍ کې ومړ DNA د

اشتراک گذاری:

د نوبل جایزې ترلاسه کوونکی امریکایي ساینسپوه جیمز واټسن د ۹۷ کلنۍ په عمر کې له نړۍ سترګې پټې کړې واټسن د شلمې پېړۍ د تر ټولو ستر علمي کشفیاتو په ډله کې شمېرل کېږي، چې د DNA دوه ګوني حلزوني جوړښت یې په ۱۹۵۳ کال کې د بریتانوي ساینسپوه فرانسيس کریک سره په ګډه کشف کړ. دغه کشف د مالیکولي بیولوژۍ په چټک پرمختګ کې مهم رول ولوباوه

د کولډ سپرینګ هاربر لابراتوار، هغه ځای چې واټسن پکې څو لسیزې علمي څېړنې کړې، د هغه د مړینې خبر بی بي سي ته تایید کړ

واټسن په ۱۹۶۲ کال کې د مورېس ویلکنز او فرانسس کریک سره ګډه نوبل جایزه ترلاسه کړه، د دې لپاره چې د DNA دوه ګوني حلزوني جوړښت یې وموند او د جینیتیک او بیولوژۍ په ډګر کې یې نوې څپه پیل کړه

سره له دې چې واټسن د ساینس په نړۍ کې ستر نوم و، د هغه شهرت او موقف د هغه د توکمیزو او جنسي نظریاتو له امله تر سترې نیوکې لاندې راغی. په یوه تلویزیوني خپرونه کې یې جنجالي څرګندونې کړې وې چې ګواکې د جینونو له مخې د تور پوستکي او سپین پوستکي کسانو ترمنځ د ذکاوت په ازموینو کې توپیرونه شتون لري

د ساینسپوهانو او څېړونکو په وینا، د واټسن کارونه د DNA د جوړښت د پېژندنې او جینیتیک په نړۍ کې تلپاتې اغېزې لري، که څه هم د هغه شخصي نظریات او څرګندونې یې شهرت ته زیان رسولی و

د جیمز واټسن ژوند او کار د ساینس په تاریخ کې د یو بې‌ساري باب په توګه یادېږي، چې د جینیتیک او مالیکولي بیولوژۍ په پرمختګ کې یې لوی نقش لوبولی دی