اخبار فوری
فــــهــــيـــم شـاهـیـن
02 جدی 1404
113
اسلاماباد – د پاکستان یو شمېر دیني علماوو د افغانستان او پاکستان ترمنځ د اړیکو د اوسني وضعیت په اړه ژوره اندېښنه څرګنده کړې او پر دواړو حکومتونو یې غږ کړی چې خپلې ستونزې د خبرو اترو له لارې حل کړي
مولانا فضلالرحمن، د جمعیت علمای اسلام ګوند مشر، یو ځل بیا د پاکستان د حکومت پر تګلارو نیوکه کړې او ویلي یې دي چې ناسمو سیاسي پرېکړو د سیمې پر ثبات او د ګاونډیو هېوادونو پر اړیکو منفي اغېز کړی دی. هغه ټینګار کړی چې د زور، فشار او تقابل پر ځای باید د تفاهم او خبرو اترو لار غوره شي
دغه څرګندونې د پاکستان د علماوو په هغې ناسته کې شوې چې د «وحدت امت پاکستان» تر سرلیک لاندې جوړه شوې وه. د ناستې ګډونوالو له کابل او اسلاماباد څخه غوښتنه کړې چې روان اختلافات د سیاسي هوښیارۍ، متقابل درناوي او رغنده ډیپلوماسۍ له لارې حل کړي
د دې ناستې په خپره شوې اعلامیه کې ویل شوي چې د افغانستان او پاکستان ترمنځ د اړیکو اوسنی حالت د اندېښنې وړ دی او که پر همدې ډول دوام ومومي، نو کولی شي د دواړو هېوادونو ولسونو ته جدي زیانونه واړوي. علماوو ټینګار کړی چې د دواړو هېوادونو ترمنځ تاریخي، دیني او کلتوري اړیکې باید د سیاسي شخړو قرباني نه شي
شنونکي وایي، د دیني علماوو دا دریځ ښيي چې د پاکستان په دننه کې هم د افغانستان په اړه د حکومت پر تګلارو نیوکې زیاتې شوې دي او د خبرو اترو له لارې د ستونزو د حل غوښتنه ورځ تر بلې پراخ ملاتړ مومي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي