اخبار فوری
په تهران کې د طالبانو سفیر د چابهار ازادې سیمې ته سفر؛ د افغان پانګهوالو له سوداګریزو او تولیدي واحدونو لیدنه
فــــهــــيـــم شـاهـیـن
05 جدی 1404
12
په ایران کې د طالبانو د حکومت سفیر، فضلمحمد حقاني، د خپل سفر په درېیمه ورځ د ایران د چابهار ازادې سیمې ته ولاړ او هلته یې د افغان پانګهوالو له یو شمېر سوداګریزو او تولیدي واحدونو څخه لیدنه وکړه. دا سفر د اقتصادي اړیکو د پراخولو او د افغان پانګهوالو د فعالیتونو د ارزونې په موخه ترسره شوی دی
د خپرو شویو معلوماتو له مخې، فضلمحمد حقاني د چابهار په ازاده سیمه کې له هغو فابریکو، سوداګریزو مرکزونو او تولیدي بنسټونو څخه لیدنه وکړه چې د افغان پانګهوالو په پانګونه جوړ شوي دي. نوموړي د دغو مرکزونو د فعالیتونو، تولیدي ظرفیت، صادراتو او د کار زمینې د برابرولو په اړه له مسؤلینو سره خبرې وکړې
په دې لیدنه کې، افغان پانګهوالو خپلې ستونزې، اړتیاوې او وړاندیزونه له طالب سفیر سره شریک کړل. هغوی د ترانزیټي اسانتیاوو، بانکي ستونزو، ویزو، اقامتي چارو او د صادراتو د بهیر د اسانه کېدو غوښتنه وکړه او ټینګار یې وکړ چې چابهار د افغانستان لپاره یو مهم اقتصادي دهلېز ګڼل کېږي
فضلمحمد حقاني د افغان پانګهوالو د هڅو ستاینه وکړه او ویې ویل چې د طالبانو حکومت هڅه کوي له ګاونډیو هېوادونو سره اقتصادي اړیکې پیاوړې کړي او بهر مېشت افغان پانګهوال وهڅوي چې خپلې پانګونې وساتي او لا پراخې کړي. هغه زیاته کړه چې اقتصادي همکاري کولای شي د افغانستان د خلکو د ژوند د ښه والي او د سیمې د ثبات لپاره مهم رول ولوبوي
د اقتصادي چارو شنونکي وایي، د چابهار ازاده سیمه د افغانستان لپاره ځانګړی اهمیت لري، ځکه دا بندر افغان سوداګرو ته د سمندر له لارې د نړیوالو بازارونو د نښلولو بدیله لاره برابروي. د هغوی په اند، د طالبانو د سفیر دا ډول سفرونه د دې ښکارندویي کوي چې کابل غواړي اقتصادي ډیپلوماسي ته زیات تمرکز ورکړي
دا سفر په داسې حال کې ترسره کېږي چې افغانستان له سختو اقتصادي ستونزو سره مخ دی او د صادراتو، پانګونې او ترانزیټ اسانتیاوې د هېواد د اقتصاد د ژوندي ساتلو لپاره حیاتي بلل کېږي. څارونکي باور لري چې د افغان پانګهوالو ملاتړ او د سیمهییزو اقتصادي فرصتونو کارول کولی شي د افغانستان لپاره نوې لارې پرانیزي
پاسخ دهید
لغو پاسخاخبار مرتبط
اخبار محبوب
آخرین اخبار
گالری
نظر اخیر
-
BCJJStVPFgxHovqcuKHjIb
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون