اخبار فوری
تاجيکستان: د طالبانو او پاکستان کړکېچ د مرکزي اسيا اقتصادي دهلېزونه له جدي ګواښ سره مخ کړي
فــــهــــيـــم شـاهـیـن
13 حوت 1404
87
تاجيکستان: د طالبانو او پاکستان کړکېچ د مرکزي اسيا اقتصادي دهلېزونه له جدي ګواښ سره مخ کړي
بریا نیوز:(چهارشنبه،۱۳حوت۱۴۰۴)
د طالبانو او پاکستان ترمنځ د نښتو زياتېدو او پر پوله د تاوتريخوالي پراخېدو د مرکزي اسيا هغه سترې لېږدیزې او سوداګريزې پروژې درولې دي چې د سيمې د اقتصادي بدلون لپاره بنسټيز ارزښت لري
راپور ليکي چې افغانستان، چې د مرکزي او جنوبي اسيا ترمنځ د نښلونکې کړۍ په توګه ګڼل کېږي، اوس د امنيتي بېثباتۍ له امله د پانګوالو او سيمهييزو شريکانو باور له ګواښ سره مخ کړی دی. د انرژۍ د لېږد کرښې، د اورګاډي پټلۍ، او نړيوال سړکونه هغه طرحې دي چې د نښتو د دوام له امله يا ځنډول شوې او يا يې عملي چارې ټکنۍ شوې دي
کارپوهان خبرداری ورکوي چې که سياسي هوکړې او امنيتي همغږي ژر رامنځته نه شي، نو د سيمې د سوداګرۍ، ترانزيټ او اقتصادي ودې پر بهير به اوږدمهاله منفي اغېزې پرېوځي. دوی ټينګار کوي چې ثبات يوازې د يوه هېواد اړتیا نه ده، بلکې د ټوله سيمې د پرمختګ او سوکالۍ لپاره حياتي ارزښت لري
د راپور په پای کې راغلي چې د سيمې هېوادونه بايد د خبرو اترو، متقابل درناوي او ګډو ګټو پر بنسټ د کړکېچ د حل لاره ولټوي، څو د مرکزي اسيا اقتصادي هيلې يو ځل بيا په خوځښت راشي او د پرمختګ کاروان بېرته پر خپل مسير روان شي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl