کابل – د طالبانو او پاکستان د نښتو په اړه: یونیسف د ماشومانو د وضعیت په اړه جدي اندېښنه څرګنده کړه

د طالبانو او پاکستان د نښتو په اړه: یونیسف د ماشومانو د وضعیت په اړه جدي اندېښنه څرګنده کړه

بریا نیوز:(چهارشنبه،۱۳حوت۱۴۰۴)  

کابل – د ملګرو ملتونو د ماشومانو د ملاتړ صندوق یونیسف ويلي چې د طالبانو او پاکستان ترمنځ د سرحدي نښتو د زیاتوالي له امله ګڼ شمېر ماشومان وژل شوي او ټپیان شوي دي، او د هغوی وضعیت ډېر اندېښمن دی. دغه پېښې د ماشومانو ژوند، روغتیا او زده کړې په برخو کې جدي ستونزې رامنځته کړي دي

یونیسف په تازه اعلامیه کې ویلي چې ماشومان د جګړې تر ټولو لویه قرباني دي او بې له ځنډه بشري مرستې ورته اړینې دي. د دې ادارې د جنوبي اسیا د سیمې مشر سنجې وېجېسکرا ویلي چې یونیسف د افغانستان د ملګرو ملتونو د مرستندویه ماموریت (یوناما) او نورو نړيوالو ادارو سره په همغږۍ د راپورونو څېړنه کوي او هڅه کوي چې عاجل اقدامات ترسره کړي

هغه ټینګار کړی چې د سرحدي نښتو دوام ماشومان په مستقیم ډول په خطر کې اچوي، د هغوی کورنۍ له اقتصادي ستونزو سره مخوي، او د هغوی زده کړې او روغتیایي خدمات اغېزمنوي. یونیسف له ټولو اړوندو ادارو او حکومتونو غوښتنه کړې چې د ماشومانو د خونديتوب لپاره سمدستي عملي ګامونه پورته کړي او د نښتو د پای ته رسولو لپاره هڅې زیاتې کړي

شنونکي وايي چې د طالبانو او پاکستان ترمنځ روانې نښتې نه یوازې د ماشومانو ژوند ته جدي خطر پېښوي، بلکې د سيمې د ټولنيز ثبات او اقتصادي پرمختګ لپاره هم لوی خنډ دی. دوی ټینګار کوي چې د سيمې هېوادونه او نړيوال سازمانونه بايد په ګډه د خبرو، امنيتي همغږۍ او عاجلو بشري اقداماتو له لارې د ماشومانو ژوند خوندي کړي او د سيمې ثبات ته وده ورکړي