مقاله

د ملګرو ملتونو د بشري حقونو مشر د پاکستان او طالبانو د نښتو د درولو غوښتنه وکړه

اشتراک گذاری:

بریانیوز:(شنبه،۱۶حوت۱۴۰۴)

د ملګرو ملتونو د بشري حقونو مشر له پاکستان او طالبانو غوښتي چې د دواړو لورو ترمنځ روانې او زياتېدونکې نښتې ژر تر ژره ودروي

هغه ويلي چې روان تاوتريخوالی د خلکو لپاره بشري ستونزې نورې هم زياتوي او د مرستو اړتيا پراخوي. د هغه په وينا جګړه د عامو خلکو ژوند له ګواښ سره مخ کوي او د کور پرېښودو، لوږې او بېوزلۍ ستونزې زياتوي.

د ملګرو ملتونو د بشري حقونو اداره وايي چې په پولو ته نږدې سيمو کې وروستيو نښتو د خلکو مرګ ژوبله زياته کړې او ډېرې کورنۍ يې د خپلو مېنو پرېښودو ته اړ کړې دي

نوموړي له دواړو لورو وغوښتل چې جګړه ودروي، د خلکو ساتنه وکړي او خپلې ستونزې د خبرو او سوله ييزو لارو هوارې کړي

هغه خبرداری ورکړی چې که جګړه همداسې روانه پاتې شي، نو د خلکو بشري ستونزې به نورې هم سختې شي او بېوسه خلک به له لا زياتو کړاوونو سره مخ شي