د امریکا د دفاع وزارت: د افغانستان د ۲۰۲۱ وتلو پراخ ارزښتناک راپور به ژر خپور شي

اشتراک گذاری:

بریانیوز:( شنبه،۵ ثور۱۴۰۵)

واشنګټن – د امریکا د جګړې یا دفاع وزارت اعلان کړی چې د افغانستان څخه د ۲۰۲۱ کال د وتلو په اړه د یوه ستر داخلي ارزونې پایلې به د روان دوبي په وروستیو کې خپرې کړي

چارواکي وایي، دا ارزونه د یوې پوځي عملیې په اړه له تر ټولو پراخو او هر اړخیزو څېړنو څخه ګڼل کېږي

دغه راپور د د ۲۰۲۱ کال د افغانستان څخه د امریکایي ځواکونو وتل پر بهیر، پرېکړو او پایلو تمرکز لري، هغه بهیر چې د نړیوالو پام یې ځان ته اړولی و او د پراخو سیاسي او امنیتي بحثونو لامل شوی و

د دفاع وزارت، چې په امریکا کې دپه نوم هم پېژندل کېږي، ویلي چې دا ارزونه به د عملیاتو ټول پړاوونه وڅېړي، له ستراتیژیکو پرېکړو نیولې تر عملي تطبیق او د میدان تر حالاتو پورې. د چارواکو په وینا، هدف دا دی چې له تېرو تجربو زده کړه وشي او د راتلونکو پوځي عملیاتو لپاره روښانه لارښوونې برابرې شي

کارپوهان باور لري چې دا راپور به د هغو مهمو پوښتنو ځوابونه وړاندې کړي چې د وتلو له بهیر سره تړلي دي، لکه د امنیتي همغږۍ څرنګوالی، د افغان متحدینو ایستل، او د ناڅاپي تحولاتو مدیریت. تمه کېږي چې دا ارزونه به نه یوازې پوځي، بلکې سیاسي او بشري اړخونه هم تر پوښښ لاندې راولي

د شنونکو په اند، د دې راپور خپرېدل به د امریکا د تېر سیاست د ارزونې لپاره یو مهم ګام وي او ښایي د کورني او نړیوال بحثونو نوې څپه راولاړه کړي، په ځانګړي ډول د هغو پرېکړو په اړه چې د افغانستان د راتلونکي برخلیک سره تړاو لري