اخبار جهان

د روسیې د کورنیو چارو وزیر: د شانګهای غړي هېوادونه د افغانستان اړوندو ګواښونو پر وړاندې ګډې همکارۍ ته چمتو دي

اشتراک گذاری:

بریانیوز- یکشنبه، ١۷ جوزا ١٤٠٥

د روسیې د کورنیو چارو وزیر ویلي چې د شانګهای همکاریو سازمان غړي هېوادونه د پولو هاخوا امنیتي ګواښونو پر وړاندې د ګډو اقداماتو او همکارۍ لپاره لوړه چمتووالی لري کولوکولتسف څرګنده کړې چې د ترهګرۍ، افراطي ډلو، ناقانونه نشه‌يي توکو د قاچاق او نورو فرامرزي امنیتي ننګونو پر وړاندې همغږي او ګډ کار د سیمې د ثبات لپاره اړین دی د هغه په وینا، د افغانستان اړوند امنیتي موضوعات هم د شانګهای همکاریو سازمان د غړو هېوادونو د بحثونو او اندېښنو له مهمو برخو څخه دي، ځکه د سیمې امنیت او ثبات له افغانستان سره نږدې اړیکه لري د روسیې د کورنیو چارو وزیر ټینګار کړی چې د امنیتي معلوماتو شریکول، د قانون پلي کوونکو ادارو ترمنځ همغږي او ګډې هڅې کولی شي د احتمالي ګواښونو د مخنیوي په برخه کې اغېزمن رول ولوبوي شنونکي باور لري چې د شانګهای همکاریو سازمان غړي هېوادونه د افغانستان وضعیت له نږدې څاري او هڅه کوي د سیمې د امنیت، اقتصادي همکاریو او سیاسي ثبات لپاره ګډ دریځونه رامنځته کړي دغه څرګندونې په داسې وخت کې مطرح کېږي چې د سیمې هېوادونه د امنیتي ننګونو، سرحدي ستونزو او د فرامرزي جرمونو د مخنیوي لپاره د لا زیاتې همغږۍ او همکاریو غوښتنه کوي