هرات کې د چاودنې ادعا پراخ غبرګونونه راپارولي؛ د پېښې څرنګوالی لا روښانه نه دی

اشتراک گذاری:

بریانیوز- شنبه ، ۲۳ جوزا١٤٠۵

چې د هرات ښار د امر بالمعروف او نهی عن المنکر ادارې د ننوتلو دروازې مخې ته د یوې زورورې چاودنې غږ اورېدل شوی دی

د راپورونو له مخې، د «ازادۍ جبهې» په نوم یوې وسله‌ والې ډلې له افغانستان انټرنشنل سره په خبرو کې د دې برید مسؤلیت منلی او ادعا یې کړې چې برید د یادې ادارې پر هدف ترسره شوی دی

خو بل لور ته، د طالبانو چارواکو د دغې پېښې رامنځته کېدل رد کړي او ویلي یې دي چې په هرات کې د داسې کومې چاودنې راپورونه سم نه دي

تر اوسه د پېښې د څرنګوالي، احتمالي زیانونو او مرګ‌ژوبلې په اړه خپلواک او باوري معلومات نه دي خپاره شوي او د دواړو لورو ادعاوې په خپلواکه توګه نه دي تایید شوې

شنونکي وایي، د ورته پېښو په اړه د متضادو معلوماتو خپرېدل د دقیقو او خپلواکو معلوماتو ترلاسه کول ستونزمن کوي، له همدې امله د پېښې د بشپړ وضاحت لپاره د نورو جزییاتو او رسمي معلوماتو خپرېدو ته اړتیا ده

دا راپورونه په داسې حال کې خپرېږي چې د افغانستان په ځینو سیمو کې وخت ناوخت د امنیتي پېښو او د بېلابېلو ډلو د ادعاوو خبرونه خپرېږي