سیاست

محمد بن سلمان د جی۷ غونډې ته له ورتګ څخه انکار وکړ

اشتراک گذاری:

بریانیوز- شنبه ، ۲۳ جوزا١٤٠۵

د سعودي عربستان ولیعهد محمد بن سلمان د فرانسې په پاریس کې د اووه سترو صنعتي او اقتصادي هېوادونو (جی۷) په سرمشریزه کې د ګډون بلنه رد کړې ده

د رسمي سرچینو له مخې، نوموړي د فرانسې ولسمشر ایمانویل مکرون له بلنې مننه کړې، خو ویلي یې دي چې د مخکې ټاکل شویو پروګرامونو او رسمي ژمنو له امله نشي کولی په دې غونډه کې ګډون وکړي

دغه پرېکړه په داسې حال کې اعلان شوې چې د جی۷ سرمشریزه د نړۍ د لویو اقتصادي او سیاسي قدرتونو له مهمو ناستو څخه ګڼل کېږي، چې پکې د نړیوال اقتصاد، امنیت، انرژۍ او جیوپولیتیک مهم موضوعات څېړل کېږي

شنونکي وایي چې د سعودي ولیعهد د نه ګډون پرېکړه ښایي د ریاض د ډیپلوماټیکو لومړیتوبونو او سیمه‌ییزو او نړیوالو اړیکو د توازن له مخې شوې وي، خو رسمي دلیل یې یوازې مخکېنۍ ژمنې او مصروفیتونه یاد شوي دي

دا پرېکړه د نړیوالو رسنیو له خوا د پام وړ بلل شوې، ځکه سعودي عربستان په وروستیو کلونو کې د نړیوالو اقتصادي او سیاسي بحثونو په مهم مرکز بدل شوی دی