اخبار فوری
فــــهــــيـــم شـاهـیـن
27 جوزا 1405
52
پاریس :فرانسه د مانش کانال د خونړۍ پېښې په تړاو ۱۴ افغان او عراقي قاچاقبران محاکمه کوي
بریانیوز- چهار شنبه ٢۷ جوز ١٤٠٥
د فرانسې قضايي چارواکو د انساني قاچاق په یوې حساسې او ترخه دوسیه کې د ۱۴ افغان او عراقي تورنو کسانو پر ضد د محاکمې لړۍ پیل کړې ده، چې په مانش کانال کې د ۲۷ کډوالو د مرګونې پېښې سره تړاو لري
دغه تورن کسان پر دې تورن دي چې څو کاله وړاندې یې د کډوالو یوه ډله د اروپا له لارې بریتانیا ته د اوښتو لپاره تنظیم کړې وه، خو د سفر پر مهال د هغوی د کښتۍ د ډوبېدو له امله ۲۷ کسان خپل ژوند له لاسه ورکړ
د فرانسوي څارنوالۍ د څرګندونو له مخې، دغه شبکه د غیرقانوني کډوالۍ په تنظیم کې ښکېله وه او د خطرناکو سمندري لارو له لارې یې د انسانانو د لېږد هڅې کولې
چارواکي وایي، قربانیان د ښه ژوند او خوندي راتلونکي په هیله دغه مرګونې لاره غوره کړې وه
یاده پېښه د اروپا په کچه د کډوالو د تر ټولو دردناکو سمندري غمیزو له ډلې ګڼل کېږي، چې وروسته یې د انساني قاچاق پر ضد د سختو اقداماتو او نړیوالو همکاریو غوښتنې لا زیاتې کړې
تمه ده چې محکمه به د شواهدو او اسنادو له ارزونې وروسته وروستۍ پرېکړه وکړي، او که تورونه ثابت شي، تورن کسان به له درنو قانوني سزاوو سره مخ شي
د بشري حقونو بنسټونه بیا ټینګار کوي چې دا ډول پېښې د ناقانونه کډوالۍ د شبکو خطرناک فعالیتونه په ډاګه کوي او د اروپایي هېوادونو ترمنځ د ګډو اقداماتو اړتیا لا پسې زیاتوي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl