اخبار فوری
فــــهــــيـــم شـاهـیـن
29 جوزا 1405
48
امریکا د ایران پر سمندري لارو محدودیتونه لرې کړل؛ جنګي بېړۍ به لا هم په سیمه کې پاتې وي
بریانیوز- جمعه ٢۹ جوز ١٤٠٥
د امریکا مرکزي قومندانۍ (سنټکام) ویلي چې د ولسمشر له امر وروسته د ایران بندرونو او ساحلي سیمو ته د بېړیو پر تګ راتګ لګېدلي محدودیتونه پای ته رسېدلي دي
د سنټکام په خبرپاڼه کې راغلي چې امریکایي ځواکونه نور د فارس خلیج او عمان سمندر له لارې د ایران بندرونو ته د بېړیو د تګ او راتګ مخه نه نیسي او سمندري تګ راتګ بېرته عادي حالت ته ستون شوی دی
د یادې قومندانۍ په وینا، دا ګام د وروستۍ هوکړې د پلي کېدو د بهیر یوه برخه ده او تمه کېږي چې د سیمې د سمندري سوداګرۍ او لېږد رالېږد په اسانتیا کې مهم رول ولوبوي
سره له دې، سنټکام ټینګار کړی چې د امریکا سمندري ځواکونه او جنګي بېړۍ به لا هم په سیمه کې خپل حضور وساتي، څو د هوکړې د مادو د عملي کېدو څارنه وکړي او د سمندري امنیت وضعیت له نږدې وڅاري
شنونکي وایي، د دغو محدودیتونو لرې کېدل د واشنګټن او تهران ترمنځ د وروستیو پرمختګونو یوه مهمه پایله بلل کېږي او ښایي د سیمې د امنیتي او اقتصادي وضعیت پر راتلونکو بدلونونو هم اغېز ولري
دا پرمختګ په داسې وخت کې رامنځته شوی چې د منځني ختیځ هېوادونه او نړیوال بازارونه د امریکا او ایران ترمنځ د وروستیو تفاهمونو پایلو ته په تمه دي او د سیمې د ثبات لپاره یې مهم ګام ګڼي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl