مقاله

پزشکیان: که امریکا اسلام‌اباد تفاهم‌لیک ته راوګرځي، ایران به هم متقابل اقدام وکړي

اشتراک گذاری:

بریانیوز سه شنبه ( ۱۰/ سنبله /۱۴۰۵هـ.ش)

بیشکک — د ایران ولسمشر مسعود پزشکیان وايي، که امریکا د اسلام‌اباد له تفاهم‌لیک سره بېرته یو ځای شي، تهران به هم سمدستي متقابل اقدام وکړي

پزشکیان دا څرګندونې د سې‌شنبې په ورځ، د وږي په ۱۰مه، په قرغزستان کې د شانګهای همکاریو سازمان په سرمشریزه کې کړې دي

نوموړي ویلي، ایران د خبرو او تفاهم له لارې د ستونزو د حل پلوی دی، خو د تهران په وینا، هر ډول هوکړه باید د دواړو لورو د ژمنو پر عملي کېدو ولاړه وي

د ایران ولسمشر ټینګار کړی چې که واشنګټن بېرته یاد تفاهم‌لیک ته راوګرځي، تهران به هم په متقابل ډول خپل اقدام وکړي

د پزشکیان څرګندونې په داسې حال کې کېږي چې د ایران او امریکا ترمنځ اړیکې له اوږدې مودې راهیسې د اټومي پروګرام، بندیزونو او سیمه‌ییزو امنیتي مسایلو له امله له جدي ترینګلتیا سره مخ دي