اخبار جهان

نوي ډیلي: د نړیوالې سوداګرۍ د ودې لپاره د سمندري لارو امنیت حیاتي دی

اشتراک گذاری:

بریانیوز شنبه (۲۱/ سنبله /۱۴۰۵هـ.ش)

نوي ډیلي — د هند لومړي وزیر نریندرا مودي ویلي، د نړیوالې سوداګرۍ د ودې او د اکمالاتي ځنځیرونو د ثبات لپاره د سمندري لارو خوندي ساتل او د بېړیو د کارکوونکو خوندیتوب ډېر مهم دی

مودي دا څرګندونې په نوي ډیلي کې د بریکس د سرمشریزې په ترڅ کې کړې دي. نوموړي ټینګار کړی چې نړیواله سوداګري هغه مهال دوامداره وده کولی شي چې سمندري لارې خوندي، سوداګریزې لارې پرانیستې او د بېړیو کارکوونکي خوندي وي

هغه ویلي، د نړۍ په بېلابېلو سیمو کې روانې شخړې د سمندري سوداګرۍ او د کښتیو د کارکوونکو پر خوندیتوب اغېز کړی او د دې ستونزو د حل لپاره باید د خبرو او ډیپلوماسۍ له لارې هڅې وشي

مودي د بریکس سرمشریزې په څنډه کې د روسیې له ولسمشر ولادیمیر پوتین سره هم وکتل. دواړو مشرانو د لوېدیځې اسیا او تورې بحیرې د شخړو په اړه خبرې وکړې؛ هغه شخړې چې د سمندري سوداګرۍ او د هندي سمندري کارکوونکو پر خوندیتوب یې اغېز کړی دی

هند په داسې حال کې د سمندري تګ راتګ د خوندي ساتلو غوښتنه کوي چې د لوېدیځې اسیا په روان کړکېچ کې پر بېړیو بریدونو د سیمې د سوداګریزو او سمندري لارو د امنیت په اړه اندېښنې زیاتې کړې دي مودي له ایراني ولسمشر مسعود پزشکیان سره هم د سمندري سوداګرۍ، د تګ راتګ د ازادۍ او د بېړیو د کارکوونکو د خوندیتوب په اړه خبرې کړې د