اخبار جهان

زلمي خلیلزاد: د چین د ځواکمنېدو هڅې امریکا او هند یوې ګډې لارې ته نږدې کړي

اشتراک گذاری:

(بریانیو چهارشنبه (۲۹/ میزان /۱۴۰۵هـ.ش

د افغانستان د سولې لپاره د امریکا پخواني ځانګړي استازي زلمي خلیلزاد ویلي، د چین هڅې چې پر اسیا برلاسی ومومي او د نړۍ په تر ټولو ځواکمن هېواد بدل شي، د واشنګټن او نوي ډیلي ترمنځ د ستراتیژیکو اړیکو د نږدېوالي اصلي لامل دی

خلیل‌زاد پر خپله ایکس‌پاڼه لیکلي، د امریکا د بهرنیو چارو وزیر مارکو روبیو وروستیو څرګندونو ته په کتو، امریکا او هند د یوویشتمې پېړۍ د مهمو نړیوالو مسایلو په اړه ګډ دریځ لري

د هغه په باور، د چین د نړیوال نفوذ پراخېدل او د ستر نړیوال ځواک کېدو هڅې د امریکا او هند لپاره ګډه ننګونه ده، چې له امله یې دواړه هېوادونه د خپلو اړیکو پیاوړتیا او په مهمو نړیوالو موضوعاتو کې د همغږۍ زیاتولو ته هڅول شوي دي

د خلیلزاد دا څرګندونې د اسیا د ځواک د بدلېدونکي توازن او د امریکا، هند او چین ترمنځ د ستراتیژیکې سیالۍ په اړه د بحثونو په دوام کې مطرح شوې دي