اخبار فوری
فــــهــــيـــم شـاهـیـن
15 عقرب 1404
214
د طالبانو د حکومت د کډوالو او بېرته راستنېدونکو چارو وزارت خبر ورکړی چې ۴۳۳ تنه افغان مهاجر، چې د پاکستان او عراق په زندانونو کې بندیان وو، له بند څخه آزاد او بېرته هېواد ته راستانه شوي دي
د وزارت د خبرپاڼې له مخې، ۴۳۰ تنه له سپینبولدک سرحد او درې تنه د نیمروز له لارې افغانستان ته داخل شوي دي
یاد وزارت وايي، دا کسان په پاکستان کې نږدې دوې میاشتې او په عراق کې شپږ میاشتې زندان کې تېرې کړې وې. د هغوی له بېرته راستنېدو وروسته، وزارت ژمنه کړې چې د ژوند د بیا پیل، سرپنا، روغتیايي خدمتونو او بشري مرستو په برخه کې به ورسره مرسته وشي
په ورته وخت کې، د وزارت د وروستي راپور له مخې، نزدې ۱۴ زره افغان مهاجر هم تیره ورځ له پاکستان او ایران څخه بېرته هېواد ته راستانه شوي دي.
د کډوالو وزارت ټینګار کړی چې هڅې روانې دي څو د ګاونډیو هېوادونو له چارواکو سره د افغان مهاجرو د قانوني وضعیت د ښه کولو، د اجباري ایستنو د مخنیوي او د انسانپاله چلند د تضمین لپاره دوامدارې خبرې ترسره شي
یو شمېر راستانه شوي مهاجر وايي، له سختو شرایطو او زنداني ژوند وروسته د خپل هېواد خاورې ته د رسېدو احساس ورته د نوې هیلې پیغام ورکړی
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl