اخبار فوری
فــــهــــيـــم شـاهـیـن
27 قوس 1404
17
بدخشان ولایت کې د دوو جلا ترافیکي پېښو له امله څلور تنه خپل ژوند له لاسه ورکړی او اته نور ټپیان شوي دي. د بدخشان د امنیې قومندانۍ د معلوماتو له مخې، دغه پېښې د دې ولایت په بېلابېلو سیمو کې رامنځته شوې دي
د امنیې قومندانۍ چارواکو ویلي، چې ټپیان د عاجلو درملنو لپاره نږدې روغتیایي مرکزونو ته لېږدول شوي او د ځینو ټپیانو روغتیایي وضعیت د اندېښنې وړ ښودل شوی دی. که څه هم د پېښو کره لاملونه تر اوسه نه دي په ډاګه شوي، خو لومړنۍ څېړنې د موټرچلوونکو بېاحتیاطي، د سړکونو خراب وضعیت او د غرنیو لارو تنګوالی د دغو پېښو اصلي عوامل ګڼي
چارواکو له ټولو موټرچلوونکو غوښتي چې د ترافیکي قوانینو جدي رعایت وکړي، په ځانګړي ډول په غرنیو او خطرناکو لارو کې له بېپامۍ ډډه وکړي او د سفر پر مهال د خلکو ژوند ته لومړیتوب ورکړي
بدخشان چې د خپل غرني جغرافیې او لرې پرتو لارو له امله پېژندل کېږي، هر کال د ترافیکي پېښو شاهد وي؛ هغه پېښې چې نه یوازې کورنۍ د غم په ټغر کېنوي، بلکې د ټولنې پر امنیت او سوکالۍ هم ژور اغېز کوي. د سیمې اوسېدونکي له اړوندو ادارو غواړي چې د سړکونو د رغونې او د ترافیکي خوندیتوب د تدابیرو د پیاوړتیا لپاره جدي ګامونه پورته کړي، تر څو د ورته غمیزو د تکرار مخه ونیول شي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي