اخبار فوری
ملګري ملتونه: په غزه کې د دایمي اوربند اړتیا بې سارې ده؛ مرستې د محدودیتونو له امله خلکو ته نه رسېږي
فــــهــــيـــم شـاهـیـن
29 قوس 1404
33
د ملګرو ملتونو سازمان د جمعې په ورځ یو ځل بیا په غزه کې د دایمي اوربند پر ټینګېدو ټینګار وکړ او خبرداری یې ورکړ چې د لګول شوو محدودیتونو له امله حیاتي بشري مرستې، په ځانګړي ډول د سرپناه اړوند توکي، په پراخه کچه فلسطیني وګړو ته نه رسېږي
د ملګرو ملتونو سرمنشي انتونیو ګوترش وویل چې د اوربند د تړون دویم پړاو ته لېږد او د هغې د ټولو مادو بشپړ پلي کېدل یو عاجل ضرورت دی. د هغه په وینا، دا کار کولی شي د نسبي ارامښت د ټینګېدو او په غزه کې د انساني وضعیت د ښه کېدو زمینه برابره کړي
ګوټرش زیاته کړه چې اټکل کېږي شاوخوا یو میلیون او ۶۰۰ زره کسان په غزه کې له سختې خوراکي ناامنۍ سره مخ شي. نوموړي ټینګار وکړ چې اشغالګر ځواکونه د کافي مرستو د داخلېدو مخه نیسي، حال دا چې د اوربند په تړون کې د بشري مرستو د اسانه تګ راتګ ژمنه شوې وه
د ملګرو ملتونو سرمنشي همداراز د کډوالو لپاره د ملګرو ملتونو د مرستندویه او کاري ادارې (آنروا) څخه خپل ملاتړ اعلان کړ او ویې ویل چې دا اداره د اسرائیلو تر فشار لاندې هم خپل بشري ماموریت ته دوام ورکوي. هغه د اشغالګر له لوري د ملګرو ملتونو د کارکوونکو د خوندیتوب او روغتیا درناوی یو جدي مکلفیت وباله
ملګري ملتونه خبرداری ورکوي چې که دایمي اوربند ټینګ نه شي او بشري مرستې بېخنډه داخل نه شي، په غزه کې به انساني ناورین لا ژور شي او د زرګونو بېګناه ملکي وګړو ژوند به له لا ستر ګواښ سره مخ شي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي