اخبار فوری
فــــهــــيـــم شـاهـیـن
29 قوس 1404
34
د «مرکزي اسيا + جاپان» د مشرانو لومړۍ ناسته د ازبیکستان په پلازمېنه تاشکند کې جوړه شوه، چې پکې د افغانستان پر سولې، ثبات او دوامدار پرمختګ ځانګړی ټینګار وشو. په دې مهمه سیمهییزه غونډه کې د مرکزي اسيا د هېوادونو او جاپان مشرانو هوډ څرګند کړ، څو د ګډو همکاریو له لارې د افغانستان اقتصادي، ټولنیز او زیربنایي وضعیت ښه کړي
د غونډې ګډونوالو افغانستان د سیمې د ثبات لپاره یو مهم هېواد وباله او ټینګار یې وکړ چې د سولې ټینګېدل او اقتصادي ودې ته لاره هوارول نه یوازې د افغانانو، بلکې د ټولې سیمې په ګټه دي. دوی ژمنه وکړه چې د سیمه ییز اتصال، سوداګرۍ، ترانزیټ، انرژۍ او بنسټیزو پروژو له لارې به له افغانستان سره همکارۍ ته دوام ورکوي
د ازبیکستان ولسمشر شوکت میرضیایف په خپله وینا کې افغانستان د ګډو همکاریو له اساسي محورونو څخه وباله او ویې ویل چې د دې ناستې ګډونوال هېوادونه د یو سولهییز، باثباته، متحد او د معنادار پرمختګ لرونکي افغانستان هیله لري. نوموړي زیاته کړه چې د افغانستان ثبات د مرکزي اسيا د راتلونکي امنیت او سوکالۍ لپاره حیاتي ارزښت لري
میرضیایف همداراز د جاپان له رول څخه مننه وکړه او دا هېواد یې د تېرو کلونو په ترڅ کې د افغان ولس له تر ټولو مهمو ملاتړو او مرستندویانو څخه وباله. هغه وویل چې د جاپان دوامدارې مرستې د افغانستان د بیارغونې، بشري اړتیاوو پوره کولو او پرمختیایي پروژو کې مهمه ونډه لرلې ده
دا ناسته د سیمهییزو همکاریو د پراخېدو، د افغانستان د اقتصادي احیا او د سولې د ټینګېدو لپاره یو مهم ګام بلل کېږي، چې تمه ده د سیمې او افغانستان ترمنځ د باور، همغږۍ او ګډ پرمختګ نوې لارې پرانیزي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي