اخبار فوری
فــــهــــيـــم شـاهـیـن
29 قوس 1404
31
د امریکا متحده ایالاتو اعلان کړی چې د سوریې په خاوره کې یې د ترهګرې ډلې داعش پر ضد پراخ او هدف مند پوځي عملیات پیل کړي دي. د امریکا پوځ د یوې رسمي اعلامیې په خپرولو سره ویلي، چې دا عملیات د داعش د پاتې شونو د ځپلو او د دې ډلې د بیا منسجم کېدو د مخنیوي په موخه ترسره شوي دي
د اعلامیې له مخې، د امریکا ځواکونو د دقیقو استخباراتي معلوماتو پر بنسټ د داعش پر مهمو مرکزونو، پټنځایونو او لوژستیکي شبکو بریدونه کړي دي. ویل شوي چې په دغو عملیاتو کې د هوايي او ځمکنیو ځواکونو ترمنځ نږدې همغږي موجوده وه او د ترهګرو پر وړتیاوو یې دروند ګوزار اړولی دی
امریکايي پوځ ټینګار کړی چې دا عملیات د سیمې د امنیت د ټینګښت، د ملکي وګړو د خوندیتوب او د نړیوال تروریزم پر وړاندې د مبارزې په چوکاټ کې ترسره شوي دي. د امریکا چارواکو همداراز ویلي، چې داعش لا هم د سیمې او نړۍ لپاره یو جدي ګواښ بلل کېږي او د دې ډلې پر وړاندې به فشارونه دوام ولري
په ورته وخت کې، د سیمې د امنیتي وضعیت د څارونکو په باور، دا عملیات ښيي چې واشنګټن لا هم په سوریه کې د داعش د بیا راټوکېدو په اړه اندېښمن دی او هڅه کوي د پوځي حضور له لارې د دې ډلې فعالیتونه محدود کړي
دا په داسې حال کې ده چې په وروستیو کلونو کې داعش که څه هم خپله پراخه جغرافیایي واکمني له لاسه ورکړې، خو لا هم د پراکندو بریدونو او پټو فعالیتونو له لارې د بېثباتۍ د رامنځته کولو هڅې کوي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي