اخبار جهان

د طالبانو تر کنټرول لاندې رسنۍ: په یوه ورځ کې ۷۴۵ کډوالې کورنۍ افغانستان ته ستنې شوې

اشتراک گذاری:

د طالبانو تر کنټرول لاندې رسنیو راپور ورکړی، چې د تېرې ورځې په ترڅ کې ۷۴۵ کډوالې کورنۍ د هېواد بېلابېلو سرحدي لارو له لارې افغانستان ته ستنې شوې دي

د طالبانو اړوند باختر خبري اژانس د پنجشنبې په ورځ (د ډسمبر ۲۵مه) راپور ورکړی، چې له دې ډلې ۳۳ کورنۍ د نیمروز ولایت د پُل ابریشم له لارې، ۲۴ کورنۍ د هرات د اسلام‌قلعه بندر، ۷۹ کورنۍ د کندهار د سپین بولدک لارې، ۵۸۰ کورنۍ د ننګرهار د تورخم بندر او ۲۹ کورنۍ د هلمند د بهرا‌مچه له لارې هېواد ته راستانه شوې دي

دا په داسې حال کې ده، چې له ایران او پاکستان څخه د افغان کډوالو د ایستلو بهیر لا هم روان دی او په وروستیو ورځو کې یې چټکتیا موندلې ده. راپورونه ښيي، چې زرګونه افغان کورنۍ د یادو هېوادونو له لوري په جبري توګه بېرته افغانستان ته لېږل کېږي

بشري بنسټونه خبرداری ورکوي، چې د کډوالو دا پراخ بېرته ستنېدنه، په ځانګړي ډول د ژمي په موسم کې، د افغانستان پر نازک بشري وضعیت لا زیات فشار راولي. ډېری ستنېدونکې کورنۍ له سرپناه، کار او لومړنیو خدمتونو څخه بې‌برخې دي او د نامعلوم برخلیک سره مخ دي

د طالبانو تر کنټرول لاندې رسنۍ: په یوه ورځ کې ۷۴۵ کډوالې کورنۍ افغانستان ته ستنې شوې