اخبار فوری
قندهار کې د غلا په تور د طالبانو سره په نښته کې یو کس وژل شوی
-
امین الله
19 دلو 1404
155
ځايي سرچینې وايي، په قندهار ولایت کې یو کس چې په غلا تورن و، د طالبانو له ځواکونو سره په نښته کې وژل شوی دی.
بریانیوز( یکشنبه، ١٩ دلو ١٤٠٤)
د سرچینو د معلوماتو له مخې، دا پېښه د شنبې په ورځ (د دلو ۱۸مه) د قندهار ښار د عینو مېنې په «بریاني» سیمه کې رامنځته شوې ده.
سرچینې زیاتوي، دوه غله چې پر موټرسایکل سپاره وو، د یوه صراف څخه یې پیسې اخیستې او له سیمې تښتېدلي وو. د راپور له مخې، صراف د غلو د تعقیب پر مهال خپل موټر د هغوی له موټرسایکل سره وجنګاوه، چې په پایله کې یې یو غل ټپي او ونیول شو، خو بل کس وتوانېد چې وتښتي.
د سرچینو په وینا، دغه تښتېدلی کس وروسته د طالبانو له لوري تعقیب شو او د نښتې پر مهال ووژل شو.
تر دې دمه د قندهار د طالبانو سیمهییزو چارواکو د دې پېښې په اړه کوم رسمي غبرګون نه دی ښودلی.
دا پېښه په داسې حال کې رامنځته کېږي چې طالبان په وار وار د هېواد د بشپړ امنیت ادعا کوي، خو بل لور ته خلک د ترور، وژنو او غلاوو د زیاتېدو له امله جدي اندېښنه څرګندوي او وايي چې د امنیت واقعي وضعیت د طالبانو له ادعاوو سره سمون نه لري.
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl