اخبار فوری
فــــهــــيـــم شـاهـیـن
30 دلو 1404
37
ایران او روسیه په شمالي هند سمندر کې ګډ پوځي سمندري تمرینونه کوي
بریانیوز:(پنجشنبه،۳۰ دلو۱۴۰۴)
ایران او روسیه به د پنجشنبې په ورځ د عمان سمندر او د هند سمندر په شمالي حوزه کې ګډ سمندري پوځي تمرینونه ترسره کړي. دا تمرینونه په داسې وخت کې اعلان شوي چې د سیمې امنیتي وضعیت حساس بلل کېږي او د لویو قدرتونو حضور زیات شوی دی
د راپور له مخې، د مانور ویاند امیر حسن مقصودلو ویلي چې د د ایران اسلامي جمهوریت او د روسیې فدراسیون د سمندري ځواکونو ګډ تمرین به د بحري امنیت د پیاوړتیا او د دواړو هېوادونو د پوځي همکاریو د پراختیا په هدف ترسره شي
د راپور له مخې دغه تمرینونه به د بندرعباس له ساحلي اډې څخه رهبري کېږي او په کې به د سوداګریزو او تېل وړونکو بېړیو د ساتنې، د بیړنیو حالاتو د مدیریت او د بحري ترهګرۍ پر ضد ګډ عملیات تمرین شي
دا مانورونه په داسې حال کې کېږي چې څو ورځې وړاندې سپاه پاسداران انقلاب اسلامی د تنګۀ هرمز په اوبو کې ورته پوځي تمرینونه ترسره کړي وو. همداراز د ایران او امریکا ترمنځ د پوځي ترینګلتیا زیاتېدو او د خلیج په اوبو کې د امریکایي بېړیو پراخ حضور د اندېښنو سبب ګرځېدلی
شنونکي باور لري چې دا ډول ګډ تمرینونه یوازې نظامي نه، بلکې سیاسي پیغام هم لري او ښيي چې مسکو او تهران غواړي په سیمه کې خپل امنیتي همغږي لا نوره پیاوړې کړي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl