سیاست

د ايران په بريدونو کې په اماراتو کې ځينې افغان وګړي زيانمن شوي

اشتراک گذاری:

بریانیوز:(سه شنبه،۱۲حوت۱۴۰۴)

چې د ايران له لوري د متحده عربي امارات پر ځينو سيمو ترسره شويو بريدونو کې ځينې افغان وګړي هم زيانمن شوي دي

د راپورونو له مخې، دغه بريدونه د وروستيو سيمه‌ ييزو کړکېچونو په لړ کې ترسره شوي، چې ورسره د اماراتو په ځينو ښاري سيمو کې مرګ‌ژوبله او مالي تاوانونه اوښتي دي. ويل کېږي، چې د زيانمنو شويو کسانو ترمنځ د بېلابېلو هېوادونو اتباع شامل دي، چې پکې يو شمېر افغانان هم ياد شوي دي

تر اوسه د اماراتو او ايران چارواکو د دې ادعاوو په اړه بشپړ جزييات نه دي خپاره کړي، خو ځينو سرچينو ويلي، چې روغتيايي او بېړني خدماتي ډلې سمدستي د پېښو سيمو ته رسېدلې او ټپيان يې روغتونونو ته لېږدولي دي

په اماراتو کې زرګونه افغان وګړي د کار، سوداګرۍ او زده‌کړو په موخه مېشت دي. شنونکي وايي، هر ډول پوځي کړکېچ چې سيمه‌ ييز بڼه خپله کړي، د مېشتو بهرنيو وګړو لپاره جدي اندېښنې راولاړوي

د سياسي چارو کارپوهان ټينګار کوي، چې د تاوتريخوالي پراخېدل به د سيمې اقتصادي او امنيتي ثبات له خطر سره مخ کړي او ښايي د منځني ختيځ د هېوادونو ترمنځ اړيکې نورې هم ترينګلې کړي