واشنګټن د امنيتي څار نوې څپه پيلوي؛ کریستي نوئم: د افغان پناه غوښتونکو هره دوسیه به له ژورې پلټنې تېره شي

واشنګټن د امنيتي څار نوې څپه پيلوي؛ کریستي نوئم: د افغان پناه غوښتونکو هره دوسیه به له ژورې پلټنې تېره شي

بریانیوز( پنجشنبه، ١۴ حوت ١٤٠٤)

واشنګټن – د کریستي نوئم، چې د د امريکا د کورني امنيت وزارت مشره ده، اعلان کړی چې متحده ايالات به د هغو کسانو د ارزونې بهير نور هم پياوړی کړي چې امريکا ته داخلېږي، په ځانګړي ډول هغه افغان وګړي چې د پناه غوښتنې او کډوالۍ له پروګرامونو څخه ګټه اخلي نوموړې په خپلو وروستيو څرګندونو کې ويلي، د هېواد امنيت د حکومت تر ټولو ستر مسئوليت دی او هېڅوک به پرته له ژورو او کره امنيتي څېړنو امريکا ته د دايمي استوګنې اجازه تر لاسه نه کړي. د هغې په وينا، دا ارزونې به د اسنادو له کتنې ورهاخوا د امنيتي مخينې، تېر فعاليتونو او احتمالي اړيکو هر اړخيزه پلټنه هم رانغاړي وروسته له هغې چې په افغانستان کې سياسي بدلونونه رامنځته شول، زرګونه افغانان د بېلابېلو ځانګړو پروګرامونو له لارې امريکا ته ولېږدول شول. ډېری دغه کسان پخوا له امريکايي ځواکونو او بنسټونو سره همکاران وو او يا هم د امنيتي ګواښونو له امله اړ شول چې خپل هېواد پرېږدي د کورني امنيت وزارت چارواکي وايي، که څه هم امريکا به خپلو بشري ژمنو ته ژمنه پاتې شي، خو د امنيتي معيارونو پلي کول به په کلکه دوام ولري. دوی ټينګار کوي چې دقيقې ارزونې د دې لپاره دي څو د هېواد د خلکو خوندیتوب تضمين شي په همدې حال کې د کډوالو د حقونو ملاتړي بنسټونه غوښتنه کوي چې د امنيتي ارزونو ترڅنګ دې د بشري حالت نازک اړخونه هم په پام کې ونيول شي، څو هغه کورنۍ چې له جګړې او بې ثباتۍ تښتېدلې دي، له اوږده ځنډ او رواني فشار سره مخ نه شي امريکايي چارواکي بيا ډاډ ورکوي چې هره پرېکړه به د قانون، شفافيت او عادلانه بهير پر بنسټ کېږي، او هغه کسان چې قانوني شرايط پوره کوي، د اندېښنې هېڅ ځای نه لري