اخبار جهان

مسکو – روسیه: د اختلافاتو حل باید د خبرو له لارې وي، نه د جګړو له لارې

اشتراک گذاری:

بریانیوز( پنجشنبه، ١۴ حوت ١٤٠٤)

د روسیې چارواکو د طالبانو او پاکستان ترمنځ روانې شخړې ته په کتو سره اندېښنه څرګنده کړې ده. د روسیې د بهرنیو چارو وزارت ویاند ویلي، چې اختلافات باید د ډیپلوماتیکو او خبرو اترو له لارې حل شي او هیڅکله د وسله‌والو کړنو له لارې د ستونزو د حل هڅه نه ده مناسبه د روسیې چارواکو ټینګار کړی، چې د شخړو دوام نه یوازې د سیمه‌ییزو هیوادونو امنیت ته زیان رسوي، بلکې په ځانګړي توګه د عام ولس او بې‌ګناه خلکو ژوند ته هم خطر پېښوي. هغوی د دواړو لورو څخه غوښتي چې پر اوربند او د خبرو مېز ته راشي ترڅو د تاوتریخوالي مخه ونیول شي سربیره پر دې، روسي چارواکو د ماشومانو، ښځو او ملکیانو د ساتنې لپاره د نړیوالو قوانینو د مراعت کولو غوښتنه کړې او یادونه یې کړې چې وسله‌وال کړنې د هېڅ ستونزې حل نه شي کولی کارپوهان وايي، چې د طالبانو او پاکستان ترمنځ روانې شخړې د سیمې په ثبات منفي اغېزې لري او که په ډیپلوماتیکه توګه ونه حل شي، ښايي اوږدمهاله کړکېچونه رامنځته کړي روسي چارواکي هیله من دي چې دواړه خواوې د خبرو اترو له لارې ستونزې هوارې کړي او سیمه‌ییز امنیت ته ژمن پاتې شي