مقاله

پاکستانه د افغان بندیانو د راخوشې کېدو لړۍ: ۸۲ تنه هېواد ته راستانه شول

اشتراک گذاری:

بریانیوز:(پنجشنبه،۲۷ حمل۱۴۰۵)

د کډوالو او راستنېدونکو چارو وزارت په یوه خبرپاڼه کې ویلي، چې روانه اونۍ د پاکستان له بېلابېلو بندخونو څخه ۸۲ تنه افغان بندیان ازاد شوي او بېرته هېواد ته راستانه شوي دي

په خبرپاڼه کې راغلي، یاد افغانان په پاکستان کې د قانوني اسنادو د نه لرلو له امله نیول شوي وو او د بند موده یې تېره کړې ده

د ازادېدو وروسته دوی د اړوندو لارو له لارې افغانستان ته انتقال شوي دي

وزارت زیاتوي چې د دغو راستنېدونکو د ثبت، هویت تثبیت او لومړنیو مرستو چارې د سرحدي ادارو له خوا ترسره شوي دي، څو هغوی په خوندي ډول خپلو اصلي سیمو ته ستانه شي

کارپوهان وايي، له ګاونډیو هېوادونو د افغانانو د راخوشې کېدو او راستنېدو دوام د مهاجرتي فشارونو د زیاتوالي یوه نښه ده، چې د حل لپاره یې پراخو سیمه‌ییزو او حقوقي میکانیزمونو ته اړتیا لیدل کېږي

تر اوسه د پاکستان له لوري د دغو بندیانو د نیولو او خوشې کولو په اړه نور جزئیات نه دي ورکړل شوي، خو د راستانه شویو افغانانو د شمېر د زیاتېدو لړۍ په وروستیو اونیو کې دوام لري