اخبار فوری
فــــهــــيـــم شـاهـیـن
29 حمل 1405
52
د ټرمپ ادارې د روسیې د تېلو پر صادراتو بندیزونه نرم کړل؛ د انرژۍ بازارونو د ثبات هڅه
بریانیوز:(شنبه،۲۹ حمله ۱۴۰۵)
د ډانلډ ټرمپ ادارې د روسیه د تېلو پر صادراتو ځینې بندیزونه نرم کړي، هغه اقدام چې د منځني ختیځ د جګړې له امله د انرژۍ نړیوال بازارونه له بېثباتۍ سره مخ کېدو وروسته ترسره شوی دی
دا بدلون د دې لپاره شوی چې د تېلو بیې راټیټې شي او نړیوال بازار ته د عرضې کچه لوړه شي
د راپورونو له مخې، ایالات متحده غوښتل نورو هېوادونو ته اجازه ورکړي چې هغه سلګونه میلیونه بېرله روسي خام تېل په قانوني ډول واخلي، کوم چې مخکې د امریکا له لوري په تور لېست کې شامل شوي وو
شنونکي وايي، دا پرېکړه د نړیوالو انرژۍ بازارونو د فشار کمولو لپاره یو عملي ګام بلل کېږي
کارپوهان باور لري چې د منځني ختیځ وروستیو شخړو د تېلو رسونې ته اندېښنې زیاتې کړې، چې له امله یې بیې لوړې شوې او اقتصادي فشارونه ډېر شوي دي
په همدې دلیل، د بندیزونو نرمول کولای شي د عرضې او تقاضا ترمنځ توازن یو څه بېرته اعاده کړي
په همدې حال کې، د سپینې ماڼۍ په یوه ناسته کې چارواکو ټینګار کړی چې دا تګلاره د لنډمهاله ثبات لپاره ده او موخه یې دا ده چې نړیوال بازارونه له ناڅاپي بدلونونو خوندي وساتل شي
تمه کېږي چې دا پرېکړه به د انرژۍ پر نړیوال سیاست او اقتصادي اړیکو هم اغېز ولري
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl