حبیب الرحمن حکمتيار: والی صیب راځه په منتخب نظام دی پوه کړم

اشتراک گذاری:

حبیب الرحمن حکمتیار په بلخ ولایت کی د طالبانو والي یوسف وفا هغو څرګندونو ته غبرګون ښودلی چې اوسنی نظام یې د ولس له خوا "انتخاب" شوی بللی و.

بریانیوز( دوشنبه، ٧ ثور ١٤٠٥)

په بلخ ولايت کی طالبانو والي یوسف وفا په خپلو خبرو کې ویلي و چې پخوانی جمهوري نظام د "بن کنفرانس" له لارې پر افغانانو تپل شوی و، خو د طالبانو اوسنۍ اداره د ولس له منځ څخه راوتلی او یو "انتخاب" شوی نظام دی.

حبیب الرحمن حکمتیار د والي دا خبره په کلکه رد کړې او ورته یې کښلي: «والي صاحب باید پوه وي، لکه څنګه چې په بن کې جوړ شوی حکومت نه د خلکو په خوښه و او نه هم منتخب و، همداسې د طالبانو حکومت هم نه د خلکو په خوښه دی او نه هم منتخب.»

حکمتیار په ډېر طنزیه او تېز انداز والي ته وړاندیز کړی چې که غواړي، چمتو دی څو ورځې ورسره کښېني او یو ځای "کلاس" ورکړي ترڅو والي د "منتخب نظام" په مانا او تعریف پوه کړي.

د حبیب الرحمن حکمتیار دا نیوکه ښيي چې د طالبانو اوسنی واک د "انتخابي" والي په اړه جدي پوښتنې شته.

هغه په ډاګه کړې چې د تېر نظام پر تپل کېدو نیوکه په دې مانا نه ده چې اوسنی نظام دې خامخا منتخب وي.