کابل — د ملګرو ملتونو اندېښنه: د مبلغينو قانون د توپير لامل ګرځي

اشتراک گذاری:

بریانیوز:(پنجشنبه، ۱۰ ثور ۱۴۰۵)

کابل — د ملګرو ملتونو د بشري حقونو ځانګړي استازي ریچارد بنت د مبلغينو د نوي قانون د خپرېدو په اړه اندېښنه څرګنده کړې او ويلي يې دي چې دا قانون ښايي د مذهب پر بنسټ توپير رامنځته کړي

نوموړي ويلي چې د ياد قانون له مخې، مبلغ بايد مسلمان وي او د حنفي مذهب پيرو وي، چې دا شرط د ټولنې د نورو مذهبي ډلو د حقونو په اړه پوښتنې راولاړوي

هغه زياته کړې چې دا ډول پرېکړې کولای شي د بشري حقونو له بنسټيزو ارزښتونو سره په ټکر کې واقع شي او د ټولنې دننه د برابرۍ اصل اغېزمن کړي

تر اوسه د واکمنو چارواکو له لوري د دغو اندېښنو په اړه کوم رسمي غبرګون نه دی خپور شوی، خو دا موضوع په کور دننه او نړيواله کچه د بحث وړ ګرځېدلې ده

کارپوهان وايي، که دا ډول قوانين له پراخې سلا او ارزونې پرته پلي شي، نو ښايي د ټولنې پر يووالي او ثبات منفي اغېزې ولري