د افغانستان او پاکستان : نښتو د منځنۍ او سویلي آسیا ترمنځ سوداګریزې اړیکې له خنډ سره مخ کړې

اشتراک گذاری:

(بریانیوزپنجشنبه (۱۴/ عـقـرب/۱۴۰۵هـ.ش

د افغانستان او پاکستان ترمنځ پرله‌پسې نښتو او د سوداګریزو لارو تړل کېدو د منځنۍ او سویلي آسیا ترمنځ د سوداګرۍ د پراختیا بهیر له جدي ننګونو سره مخ کړی او د سیمې د هېوادونو اقتصادي پلانونه یې اغېزمن کړي دي

د سیمې یو شمېر هېوادونو په پام کې لرله چې د پاکستان له لارې د خپلو سوداګریزو اړیکو کچه لوړه او د توکو د لېږد لپاره نوې لارې پرانیزي؛ خو د افغانستان او پاکستان ترمنځ امنیتي کړکېچونو او د سرحدي لارو پرله‌پسې تړل کېدو د دغو پلانونو عملي کېدل ستونزمن کړي دي

د سوداګریزو لارو بې‌ثباتي نه یوازې د سوداګرو لګښتونه زیاتوي، بلکې د منځنۍ آسیا هېوادونه هم اړ باسي چې د خپلو صادراتو او وارداتو لپاره بدیلې لارې ولټوي

کارپوهان د سیمې د اقتصادي اتصال لپاره د افغانستان او پاکستان ترمنځ د باثباته اړیکو او د سوداګریزو لارو پرانیستې ساتل مهم بولي