د زابل اوسېدونکی: د زابل امنیه قومندانۍ مې مارکېټ نیولی او د لوړپوړو ادارو حکمونه نه مني

اشتراک گذاری:

د قدرت‌الله په نوم د زابل یوه اوسېدونکي له بریانیوز سره د اسنادو په شریکولو ویلي، چې د طالبانو د زابل امنیه قومندانۍ یې شخصي مارکېټ نیولی او بېرته یې نه ورسپاري. د طالبانو بېلابېلو ولایتي ادارو د مارکېټ د بېرته سپارلو حکمونه کړي، خو امنیه قومنداني يې احکام نه مني.

بریانیوز( جمعه ١١ ثور ١٤٠٥)

قدرت‌الله نن د جمعې په ورځ، د ثور ۱۱مه ویلي، چې دغه مارکېټ د تېر جمهوري نظام پر مهال د کلات ښار د امنیه قومندانۍ ترڅنګ جوړ شوی و او هغه مهال د امنیتي ګواښونو له امله پرېکړه شوې وه چې حکومت به یې په بیه اخلي، خو د نظام په بدلون سره دغه پرېکړه نیمګړې پاتې شوه.

نوموړی زیاتوي چې د طالبانو په نږدې پنځه کلنه واکمنۍ کې یې ټولو ادارو ته عریضې کړي، خو لا یې هم د ملکیت برخلیک نه دی روښانه شوی.