اخبار فوری
فــــهــــيـــم شـاهـیـن
15 ثور 1405
96
عباس عراقچي: د هرمز تنګي وروستۍ پېښې ثابتوي چې د سیاسي بحرانونو پوځي حل نه شته
بریانیوز| سهشنبه، ۱۵ ثور ۱۴۰۵
د ایران د بهرنیو چارو وزیر، عباس عراقچي، ویلي چې په د هرمز تنګی کې وروستي پرمختګونه او کړکېچونه دا په ډاګه کوي چې د سیاسي بحرانونو لپاره هېڅ پوځي حل نه شته
عراقچي په خپلو تازه څرګندونو کې ټینګار کړی چې د سیمې حساس وضعیتونه یوازې د ډیپلوماټیکو هڅو او سیاسي تفاهم له لارې حل کېدای شي، نه د زور او نظامي فشار له لارې. د هغه په وینا، د تاوتریخوالي زیاتوالی نه یوازې د سیمې هېوادونه زیانمنوي، بلکې د نړیوالې انرژۍ بازارونه هم له جدي خطر سره مخ کوي
نوموړي زیاته کړې چې د هرمز تنګي په څېر ستراتیژیکه لار د نړۍ د انرژۍ د ترانزیت لپاره حیاتي اهمیت لري، او هر ډول نظامي کړکېچ کولی شي نړیوال اقتصادي ثبات ګډوډ کړي
عراقچي پر نړیوالو لوبغاړو هم غږ کړی چې د شخړو د زیاتولو پر ځای د خبرو اترو او دیپلوماتیکو لارو ملاتړ وکړي، څو د سیمهییز ثبات لپاره دوامدار حل پیدا شي
شنونکي وایي د عراقچي دا څرګندونې د ایران د اوږدمهاله دریځ انعکاس دی، چې تل یې د پوځي فشار پر ځای سیاسي حل لارې ته ترجیح ورکړې ده. د هغوی په باور، په اوسني حساس وخت کې د ډیپلوماسۍ پیاوړتیا د سیمې د ثبات لپاره کلیدي اهمیت لري
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl