اخبار فوری
فــــهــــيـــم شـاهـیـن
23 ثور 1405
16
د مسکو او اسلاماباد ترمنځ د اړیکو د ښه والي نښې؛ د پاکستان سفیر تازه څرګندونې
بریا نیوز (چهار شنبه،۲۳ثور ۱۴۰۵)
د پاکستان سفیر په روسیه کې ویلي چې د اسلامي امارت له حکومت سره روان کړکېچونه اوس تر ډېره آرام شوي او د دواړو لورو اړیکې د همکارۍ پر لور روانې دي
نوموړي په خپلو تازه څرګندونو کې ویلي، د وروستیو خبرو او تماسونو له امله د اسلاماباد او کابل ترمنځ تاوتریخوالی کم شوی او دواړه خواوې هڅه کوي چې د ستونزو پر ځای د ګډو ګټو لارې ولټوي
هغه زیاته کړې، د سیمې اوسنی وضعیت د دې اړتیا رامنځته کوي چې هېوادونه د مخالفتونو پر ځای د همکارۍ فضا پیاوړې کړي، څو د اقتصادي او امنیتي ستونزو د کمېدو لپاره ګډ ګامونه پورته شي
د پاکستان سفیر ټینګار کړی چې د اسلامي امارت له لوري هم په ځینو برخو کې د نرمښت نښې لیدل کېږي او دا موضوع د دې لامل شوې چې د اړیکو د خرابېدو پر ځای د ښه والي تمه زیاته شي
شنونکي وايي، د دواړو لورو ترمنځ د اړیکو د نرمښت دا څرګندې نښې کولای شي د سیمې پر ثبات مثبت اغېز وکړي، په ځانګړي ډول د سرحدي سیمو د خلکو لپاره چې تل له کړکېچونو اغېزمن شوي دي
کارپوهان باور لري چې که دا بهیر دوام ومومي، نو د اقتصادي راکړې ورکړې، د خلکو تګ راتګ او د سرحدي ستونزو د حل لپاره به نوي فرصتونه رامنځته شي
په دې ترڅ کې ځینې شنونکي خبرداری ورکوي چې د باور جوړونې بهیر لا هم حساس دی او هر ډول سیاسي بدلون کولای شي د اړیکو پر روان بهیر اغېز وکړي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl