مقاله

ایراني چارواکي: د ولسمشر پزشکیان د استعفا راپورونه بې‌بنسټه دي

اشتراک گذاری:

بریانیوز( دوشنبه، ۱۱ جوزا ١٤٠٥)

د ایران د اطلاعاتو دولتي شورا رییس، الیاس حضرتي، د هغو راپورونو په اړه غبرګون ښودلی چې ګواکې د ایران ولسمشر مسعود پزشکیان استعفا ورکړې ده

حضرتي ویلي، ولسمشر پزشکیان هېڅ ډول استعفا نه ده وړاندې کړې او په دې تړاو خپاره شوي راپورونه حقیقت نه لري. د هغه په وینا، دا ډول خبرونه د ایران د کورني وضعیت د ګډوډولو او د عامه افکارو د مغشوشولو په موخه خپرېږي

نوموړي ټینګار کړی چې د ایران د دولت چارې په عادي ډول روانې دي او د ولسمشر د استعفا په اړه ټولې ادعاوې ناسمې دي

دا څرګندونې وروسته له هغې کېږي چې تېره شپه په ځینو رسنیو او ټولنیزو شبکو کې داسې راپورونه خپاره شول چې ګواکې ولسمشر مسعود پزشکیان د پاسدارانو له ډلې سره د اختلافاتو له امله خپل مذهبي مشر ته د استعفا لیک استولی دی

خو ایراني چارواکو دغه ادعاوې رد کړې او هغه یې د اوازو او ناسمو معلوماتو برخه بللې ده