د بلاروس دفاع وزیر: د افغانستان او پاکستان ترمنځ سرحدي ترینګلتیاوې د سیمې امنیت ته نوی ګواښ جوړولای شي

د بلاروس دفاع وزیر: د افغانستان او پاکستان ترمنځ سرحدي ترینګلتیاوې د سیمې امنیت ته نوی ګواښ جوړولای شي

بریانیوز(پنجشنبه، ۱۲ جوزا ١٤٠٥)

د بلاروس د دفاع وزیر  خبرداری ورکړی چې د افغانستان او پاکستان ترمنځ د سرحدي ترینګلتیاوو او نښتو دوام کولی شي په سیمه کې نوې امنیتي ننګونې او ګواښونه رامنځته کړي

خرنین ویلي چې د دواړو ګاونډیو هېوادونو ترمنځ د تاوتریخوالي زیاتوالی نه یوازې د هغوی پر امنیت اغېز کوي، بلکې د ټولې سیمې ثبات هم له خطر سره مخ کولای شي

د نوموړي په وینا، د سرحدي شخړو دوام د ناقانونه فعالیتونو، وسله‌والو ډلو د خوځښت او د امنیتي ستونزو د پراخېدو لپاره زمینه برابرولای شي، چې پایلې یې تر سیمه‌ییزو پولو هم اوړېدای شي

د بلاروس دفاع وزیر ټینګار کړی چې د اختلافاتو د حل لپاره باید سیاسي او ډیپلوماټیکې لارې غوره شي او د خبرو اترو له لارې د تاوتریخوالي د زیاتېدو مخه ونیول شي

هغه زیاته کړې چې په اوسنیو حساسو شرایطو کې د سیمې هېوادونه ګډ مسئولیت لري چې د ثبات، امنیت او متقابلې همکارۍ لپاره عملي ګامونه پورته کړي

شنونکي باور لري چې د افغانستان او پاکستان ترمنځ هر ډول اوږدمهاله ترینګلتیا نه یوازې د دواړو هېوادونو پر اړیکو اغېز کوي، بلکې د سوداګرۍ، ترانزیټ او سیمه‌ییزو اقتصادي پروژو پر راتلونکي هم سیوری غوړولای شي

د خرنین دا څرګندونې په داسې وخت کې کېږي چې د افغانستان او پاکستان ترمنځ د یو شمېر سرحدي او امنیتي موضوعاتو په تړاو اندېښنې او بحثونه دوام لري