مقاله

ایران له ملګرو ملتونو د تاوان غوښتنه وکړه؛ د سیمې هېوادونه یې د جګړې په ملاتړ تورن کړل

اشتراک گذاری:

بریانیوز(جمعه ، ۱۵ جوزا ١٤٠٥)

ایران په یوه رسمي لیک کې چې ملګرو ملتونو ته استول شوی، ادعا کړې چې امریکا د اسرائیلو له پوځي عملیاتو سره مرسته کړې او له همدې امله باید ایران ته د اوښتو زیانونو تاوان ورکړي

د راپورونو له مخې، تهران ادعا کوي چې یادو هېوادونو په بېلابېلو بڼو د هغو عملیاتو ملاتړ کړی چې د ایران پر ضد ترسره شوي دي.

ایران له نړیوالو بنسټونو غوښتي چې د دې موضوع ارزونه وکړي او د خپلې ادعا له مخې د تاوان ورکولو مسئله وڅېړي

بل لور ته، د سیمې سیاسي څارونکي یادونه کوي چې د جګړې پر مهال ایران خپله هم د سیمې پر یو شمېر هېوادونو د توغندیزو بریدونو اقدام کړی و، چې له امله یې ترینګلتیاوې لا پسې زیاتې شوې او د شخړې جغرافیه پراخه شوه

شنونکي باور لري چې د تاوان غوښتنې او متقابلو تورونو دوام ښايي د سیمې د هېوادونو ترمنځ سیاسي اختلافات لا ژور کړي

د دوی په اند، د دې ډول ادعاوو حقوقي او سیاسي ارزونه به د نړیوالو بنسټونو او اړوندو هېوادونو د غبرګونونو له څرنګوالي سره تړلې وي

دا موضوع په داسې وخت کې راپورته کېږي چې د منځني ختیځ هېوادونه لا هم د وروستیو شخړو له سیاسي، امنیتي او اقتصادي اغېزو سره مخ دي او د سیمې د ثبات په اړه اندېښنې دوام لري