مقاله

اروپایي ټولنې نیکولا بیلومو افغانستان لپاره د نوي چارسمبالي په توګه معرفي کړ

اشتراک گذاری:

بریانیوز- یکشنبه، ١۷ جوزا ١٤٠٥

اروپایي ټولنې ایټالوی ډیپلوماټ نیکولا بیلومو د افغانستان لپاره د خپل نوي چارسمبالي په توګه معرفي کړی دی

د معلوماتو له مخې، بیلومو دا مهال د اروپایي ټولنې د افریقايي چارو د څانګې مشري پر غاړه لري او تر دې وړاندې یې په کې د اروپایي ټولنې د سفیر په توګه دنده ترسره کړې ده

نوموړی د ډیپلوماسۍ او نړیوالو اړیکو په برخه کې اوږده تجربه لري او د اروپایي ټولنې په بېلابېلو ادارو او بهرنیو استازولیو کې یې مهم مسئولیتونه ترسره کړي دي

راپورونه ښيي چې د هغه ټاکنه به د اسلامي امارت له تایید او د اړینو اداري او ډیپلوماټیکو پړاوونو له بشپړېدو وروسته وروستۍ بڼه خپله کړي

شنونکي باور لري چې د نوي چارسمبالي ټاکل د افغانستان په اړه د اروپایي ټولنې د سیاسي او بشري تعاملاتو د دوام نښه ده او ښايي د دواړو لورو ترمنځ د اړیکو په بهیر کې نوی پړاو رامنځته کړي

دا ګومارنه په داسې وخت کې ترسره کېږي چې اروپایي ټولنه د افغانستان د بشري وضعیت، اقتصادي ننګونو او سیاسي تحولاتو په اړه خپلې اړیکې او ارزونې روانې ساتلې دي