سیاست

حامد کرزي د پاکستان له لوري د افغانستان د هوايي حریم نقض وغنده

اشتراک گذاری:

بریانیوز- چهار شنبه، ۲۰ جوزا ١٤٠٥

د افغانستان پخواني ولسمشر د پاکستان له لوري د افغانستان د هوايي حریم د نقض او په کونړ، خوست او پکتیکا ولایتونو کې د ملکي وګړو د مرګ‌ژوبلې راپورونه په کلکو ټکو غندلي دي ښاغلي کرزي په یوه بیان کې ویلي چې په دغو پېښو کې د ښځو او ماشومانو په ګډون د بې‌ګناه خلکو په نښه کېدل د خواشینۍ وړ دي او باید مخه یې ونیول شي نوموړي د قربانیانو له کورنیو سره خپله خواخوږي څرګنده کړې او د وژل شویو او ټپیانو کورنیو ته یې د ډاډګیرنې پیغام رسولی دی کرزي همدارنګه ټینګار کړی چې پاکستان باید د افغانستان پر وړاندې د جګړې، تاوتریخوالي او ویجاړۍ له تګلارې لاس واخلي او پر ځای یې د ښه ګاونډیتوب، متقابل درناوي او متمدنو اړیکو لاره خپله کړي د هغه په وینا، د دواړو هېوادونو ترمنځ ستونزې باید د خبرو اترو، تفاهم او ډیپلوماټیکو لارو حل شي، نه د پوځي اقداماتو او فشارونو له لارې دا څرګندونې په داسې وخت کې مطرح کېږي چې د افغانستان او پاکستان ترمنځ د سرحدي او امنیتي مسایلو په تړاو وخت ناوخت ترینګلتیاوې رامنځته کېږي او دواړه لوري د یو بل پر وړاندې بېلابېل دریځونه خپلوي