اسلامي امارت: پاکستان په کونړ، خوست او پکتیکا کې هوايي بریدونه کړي

اشتراک گذاری:

بریانیوز- چهار شنبه، ۲۰ جوزا ١٤٠

د اسلامي امارت ویاند ویلي چې پاکستان تېره شپه د افغانستان هوايي حریم نقض کړی او د ډیورنډ کرښې ته نږدې په کونړ، خوست او پکتیکا ولایتونو کې یې هوايي بریدونه ترسره کړي دي مجاهد پر خپلې اېکس پاڼې د قربانیانو د عکسونو له خپرولو سره لیکلي چې د پاکستان پوځ په دغو بریدونو کې ملکي کورونه په نښه کړي دي د نوموړي د ادعا له مخې، په بریدونو کې ۱۱ ماشومان، یوه ښځه او یو سپین‌ږیری کس وژل شوي دي. هغه همدارنګه ویلي چې ۱۴ نور کسان، چې ډېری یې ښځې او ماشومان دي، ټپیان شوي دي تر اوسه د دغو مرګ‌ژوبلو شمېرې په خپلواکه توګه نه دي تائید شوې او د راپورونو د کره‌والي په اړه بېلابېل معلومات خپرېږي بل لور ته، د پاکستان حکومت او پوځ تر اوسه د دغو بریدونو او د مرګ‌ژوبلې د ادعاوو په اړه رسمي دریځ نه دی څرګند کړی دغه راپورونه په داسې وخت کې خپرېږي چې د افغانستان او پاکستان ترمنځ د سرحدي سیمو امنیتي وضعیت له پخوا راهیسې حساس بلل کېږي او وخت ناوخت د دواړو لورو ترمنځ د تاوتریخوالي او متقابلو تورونو راپورونه هم خپرېږي شنونکي باور لري چې د ملکي وګړو هر ډول مرګ‌ژوبله د اندېښنې وړ ده او د ورته پېښو د روښانه کېدو لپاره کره او هر اړخیزو څېړنو ته اړتیا شته