مقاله

د خپلواکو ګډو هېوادونو د ترهګرۍ ضد مرکز: د ایران شاوخوا کړکېچ ښايي سیمه له نوو ګواښونو سره مخ کړي

اشتراک گذاری:

بریانیوز- چهار شنبه، ۲۰ جوزا ١٤٠

د خپلواکو ګډو هېوادونو د ترهګرۍ ضد مرکز خبرداری ورکړی چې د ایران په تړاو د روانو ترینګلتیاوو او امنیتي کړکېچونو زیاتوالی ښايي د سیمې پر هېوادونو، په ځانګړې توګه د ایران پر ګاونډیانو، منفي اغېزې ولري د یاد مرکز په ارزونه کې راغلي چې د شخړو پراخېدل کولی شي د امنیتي بې‌ثباتۍ، سرحدي ګواښونو، ناقانونه فعالیتونو او افراطي ډلو د تحرکاتو لپاره زمینه برابره کړي د مرکز مسئولینو ټینګار کړی چې د سیمې هېوادونه باید د امنیتي همکاریو د پیاوړتیا، د معلوماتو د شریکولو او د احتمالي ګواښونو د مخنیوي لپاره ګډې هڅې زیاتې کړي کارپوهان وایي چې د ایران شاوخوا هر ډول پوځي او سیاسي کړکېچ یوازې پر یوه هېواد محدود نه پاتې کېږي، بلکې د سیمې پر امنیت، اقتصاد، سوداګرۍ او د خلکو پر ورځني ژوند هم اغېز کولی شي دوی زیاتوي چې د ایران ګاونډي هېوادونه د جغرافیایي نږدېوالي له امله د هر ډول احتمالي بې‌ثباتۍ له مستقیمو پایلو سره مخ کېدای شي دا خبرداری په داسې وخت کې ورکول کېږي چې په منځني ختیځ کې امنیتي ترینګلتیاوې لوړې شوې او نړیوال بنسټونه د شخړو د پراخېدو په اړه اندېښنې څرګندوي