سیاست

ایران د بهرنیو چارو وزیرعراقچي: د هرمز تنګی نړیواله اوبه‌لار نه ده، د ایران او عمان تر ګډ حاکمیت لاندې ده

اشتراک گذاری:

بریانیوز- چهار شنبه، ۲۰ جوزا ١٤٠

د ایران د بهرنیو چارو وزیر عباس عراقچي یو ځل بیا ټینګار کړی چې د هرمز تنګی نړیواله اوبه‌لار نه ګڼل کېږي، بلکې د ایران او عمان تر ګډ حاکمیت لاندې موقعیت لري عراقچي ویلي چې د سیمې سمندري پولې په روښانه ډول ټاکل شوې دي او هرمز تنګی د امریکا له سواحلو زرګونه کیلومتره لرې پروت دی. هغه زیاته کړې چې د دغې ستراتیژیکې اوبه‌لارې په اړه د پرېکړو او مدیریت اصلي مسئولیت د ایران او عمان پر غاړه دی د ایران د بهرنیو چارو وزیر تر دې وړاندې هم ویلي وو چې د هرمز تنګي په منځ کې «نړیوالې اوبه» نشته او دا اوبه‌لار د ایران او عمان په قلمروي اوبو کې پرته ده خو د سمندري حقوقو یو شمېر کارپوهان او نړیوال بنسټونه هرمز د نړیوالې بېړۍ‌چلونې له مهمو تنګیو څخه ګڼي. د حقوقي ارزونو له مخې، که څه هم د تنګي اوبه د ایران او عمان د قلمروي اوبو تر پوښښ لاندې راځي، خو د نړیوالو سمندري تګ‌راتګ د حقونو په اړه بېلابېل حقوقي لیدلوري موجود دي هرمز تنګی د نړۍ له مهمو انرژۍ لارو څخه شمېرل کېږي او د نړیوالو تېلو او ګازو د لېږد یوه لویه برخه ترې تېرېږي. د سیمې روانې ترینګلتیاوې او د دې اوبه‌لارې د حقوقي وضعیت په اړه بحثونه لا هم د نړیوالو پام ځانته اړولی دی