اخبار فوری
مقاله
اروپایي ټولنه د افغان کډوالو د بېرته ستنولو په اړه له اسلامي امارت سره د خبرو لپاره چمتووالی نیسي
فــــهــــيـــم شـاهـیـن
22 جوزا 1405
9
اروپایي ټولنه د افغان کډوالو د بېرته ستنولو په اړه له اسلامي امارت سره د خبرو لپاره چمتووالی نیسي
بریانیوز- جمعه ، ۲۲ جوزا١٤٠۵
اروپایي ټولنې د اسلامي امارت د استازو د یوه پلاوي نوملړ بلجیم ته سپارلی، څو د دغه پلاوي د احتمالي سفر په تړاو لومړنۍ چارې وڅېړل شي او د افغان کډوالو د بېرته ستنولو پر موضوع خبرې اترې ترسره شي
د بلجیم چارواکو ویلي چې امنیتي بنسټونو د ویزو د ورکړې اړوند لومړنۍ ارزونې پیل کړې دي، خو تر اوسه د اسلامي امارت له لوري د ویزې کومه رسمي غوښتنه نه ده وړاندې شوې
د بلجیم رسنیو د خپلو سرچینو له قوله راپور ورکړی چې اروپایي چارواکي ټینګار کوي، له اسلامي امارت سره خبرې اترې د هغه د رسمي پېژندنې معنا نه لري، بلکې موخه یې د کډوالۍ د دوسیې سمبالول او افغانستان ته د افغان کډوالو د بېرته ستنېدو لپاره د عملي لارو چارو موندل دي
شنونکي وایي، که دا لیدنه ترسره شي، نو د اسلامي امارت او اروپایي ټولنې ترمنځ به د کډوالۍ پر موضوع د اړیکو په برخه کې یو مهم ګام وګڼل شي. د دوی په وینا، اروپایي هېوادونه هڅه کوي د هغو زرګونو افغانانو د برخلیک په اړه روښانه تګلاره جوړه کړي چې د پناه غوښتنې دوسیې یې رد شوې دي
دا په داسې حال کې ده چې د افغان کډوالو د بېرته ستنولو موضوع په وروستیو میاشتو کې د اروپایي هېوادونو او اسلامي امارت ترمنځ د بحث له مهمو موضوعاتو څخه ګرځېدلې ده
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl