مقاله

د سوریې انتقالي مشر: سوریه جګړې ته د داخلېدو نیت نه لري

اشتراک گذاری:

بریانیوز- شنبه ، ۲۳ جوزا١٤٠۵

د سوریې د انتقالي دورې مشر ویلي چې هېواد یې په اوسنۍ مرحله کې د جګړې د پراخېدو هڅه نه کوي او تمرکز یې د جګړې په درولو، د سیمې د ثبات په ټینګښت او د کډوالو د ستونزو په حل دی

نوموړي ټینګار کړی چې هغه راپورونه چې ګواکې سوریه خپل پوځ لبنان ته استوي یا د لبنان په خاوره کې په پوځي عملیاتو کې ګډون کوي، «بې‌اساس اوازې» دي

هغه زیاته کړې چې د سوریې لومړیتوب دا دی چې داخلي ثبات ټینګ کړي او د جګړو له پراخېدو څخه ځان وساتي، څو د هېواد بیارغونه او د کډوالو د ستونزو حل ته زمینه برابره شي

تحلیلګران وایي، سوریه په وروستیو کلونو کې له سختو جګړو وروسته هڅه کوي خپل سیمه‌ییز سیاستونه نرم کړي او له نویو پوځي درګیرۍ څخه ځان لرې وساتي، څو د بیا رغونې او اقتصادي ثبات فرصتونه زیات کړي