اقتصاد

د اماراتو له لوري ایران ته د ۱۰ میلیارد ډالرو د آزادېدو هوکړه

اشتراک گذاری:

بریانیوز- شنبه ، ۲۳ جوزا١٤٠۵

متحده عربي اماراتو له ایران سره د یوې هوکړې له مخې د مجموعي ۱۰ میلیارد ډالرو د شتمنیو د آزادولو پرېکړه کړې، چې له دې جملې څخه تر اوسه له ۳ میلیارد ډالرو څخه زیاتې پیسې عملي ډول ورکړل شوې دي

د سرچینو په وینا، دغه مالي هوکړه د دواړو لورو ترمنځ د سیمه‌ییزو کړکېچونو د کمولو او د امنیتي تنشونو د مدیریت په موخه شوې ده

همدارنګه ویل کېږي چې دا توافق د دې په بدل کې رامنځته شوی چې ایران د اماراتو پر ضد د خپلو پوځي یا غبرګوني بریدونو د درولو ژمنه کړې ده

تر اوسه د ایران او متحده عربي اماراتو له رسمي لورو څخه د دې ادعاوو په اړه په تفصیل سره تایید یا رد نه دی شوی

سیاسي شنونکي وایي، که دا ډول هوکړې رښتیا وي، نو کولی شي د فارس خلیج په سیمه کې د کړکېچ د کمېدو او د ډیپلوماټیکو اړیکو د بیا رغېدو لپاره مهم رول ولوبوي، خو ټینګار کوي چې د دا ډول حساسو موضوعاتو لپاره رسمي تایید او شفاف معلومات اړین دي

دا راپورونه په داسې حال کې خپرېږي چې د سیمې هېوادونه د امنیتي ترینګلتیاوو د کمولو او اقتصادي ثبات د ساتلو لپاره د خبرو اترو او تفاهم هڅې زیاتې کړې دي