اخبار جهان

پوتین: روسیه د مصنوعي ځیرکتیا لرونکو ډرونونو پراختیا ته جدي توجه کوي

اشتراک گذاری:

بریانیوز- شنبه ، ۲۳ جوزا١٤٠۵

د روسیې ولسمشر ولادیمیر پوتین ویلي چې مسکو په جدي ډول د مصنوعي ځیرکتیا لرونکو بې‌پيلوټه الوتکو (ډرونونو) د پراختیا په برخه کې کار کوي او دا ټکنالوژي د اوسني جګړیز وضعیت له مهمو ملي لومړیتوبونو څخه ګڼي

پوتین د روسي ځواکونو له قوماندانانو سره په لیدنه کې وویل چې په اوکراین کې د جګړې پر مهال د ډرونونو پراخه کارونه نوي امنیتي او پوځي ننګونې رامنځته کړې دي، او روسیه هڅه کوي د دغو ګواښونو پر وړاندې خپل دفاعي سیسټمونه او نوې ټکنالوژۍ په چټکۍ سره پیاوړې کړي

نوموړي زیاته کړه چې د پوځي قوماندانانو له خوا هره ورځ د ډرون بریدونو د ستونزو او د هغوی پر وړاندې د حل لارو راپورونه وړاندې کېږي، چې دا د جګړې په ډګر کې د وضعیت د بدلون څرګندونه کوي

پوتین ټینګار وکړ چې د هوښیار ډرونونو او د ډرون ضد دفاعي سیستمونو پراختیا یوازې د دفاع وزارت مسوولیت نه دی، بلکې په دې بهیر کې دولتي او غیرنظامي بنسټونه هم برخه اخلي

شنونکي وایي چې د ډرون ټکنالوژۍ سیالي د اوسنيو جګړو یو مهم محور ګرځېدلی او د روسیې او اوکراین جګړه کې یې د جګړې بڼه په بنسټیز ډول بدله کړې ده