مقاله

خبريال سميع يوسفزي : طالبان په کوم طرف ګامونه اخلې ؟

اشتراک گذاری:

طالبان په کوم طرف ګامونه اخلې ؟

بریانیوز- شنبه ، ۲۳ جوزا١٤٠۵

خبريال سميع يوسفزي ویلي : که د طالبان امارت د ښځو خلاف بی مقصده جګړې ، د محدودیتونوًپر ځای خپل تمرکز پر دې واړوي چې خپل نظام څنکه مشروع رسمیت کسب او د افغانستان له ۴۰ میلیونه خلکو سره ځانونه پخلا کړي، نو دا به د هېواد لپاره ډېر ګټور وي

پرون د هرات والي وویل چې افغان ښځې ذهناً “ لیونیانې دي “ دقیقا ستاسو پالیسانو میرمنې څه چې افغان “ نارینه “ هم ذهنې مریضان کړې ، دا ډول څرګندونې ډیر د افسوس وړ دې دا ډول بیباکه بیانونه نه یوازې د ښځو سپکاوی دی، بلکې له حقیقت څخه هم لرې دي

د کلونو جګړو، بې وزلۍ، محدودیتونو او نا هیلو له امله د افغانستان ډېری ښځې او سړي دواړه له سختو رواني او اقتصادي ستونزو سره مخ دي

ولې ؟ ولې ؟

په طالب مشرتابه کې داسې څوک نشته چې لږ په خپل ګریوان کې سر ټیټ کړي او فکر وکړي چې دوی د افغانسان، افغانانو او اسلام سره څه کوي؟

آیا دوی درک کوي چې د دوی پالیسۍ افغانستان ته څومره لوی سیاسي، اقتصادي او ټولنیز زیان رسوي؟

مشروعیت د زور، بندیزونو او تبعیض له لارې نه ترلاسه کېږي؛ بلکې د عدالت، ګډون، تعلیم، انساني کرامت او د ټولو افغانانو د حقونو د درناوي له لارې ترلاسه کېږي